「老師是孩子的榜樣」
近來發現班上既孩子特別照顧1位女孩子
第1日見到既時候
會覺得我班孩子好叻叻
欣賞佢地主動幫助同伴
但其後發現孩子們成日幫佢
女孩子越黎越依賴.咩都唔洗做咁既款
我終於忍唔住
「我地班冇公主架！」
孩子必定附和並立即上位讚揚我：
「x老師先係公主呀！」
孩子們：「公主唔洗返學架」
老師：「咁公主去邊架？」
孩子們：「城堡。」
老師：「係城堡做咩？」
孩子們：「跳舞」
老師：「我係公主點解要返學/返工既？」
孩子們：「x老師要教我地野！」
好感動呢班孩子真係知道老師身負重任
確實我又真係分分秒秒有位就教佢地「大道理
（雖然佢地未必即時明.
正如孩子們好嘈
我靜下來不說話等佢地時
正常既孩子就會話：「老師好嬲喇唔好講野喇
但班上總有個要上位既孩子就會打完場：
（同埋聽得明老師之前教過既道理的孩子
「老師唔係嬲.佢好溫柔架！」
雖然聽完毛管動.但其實係我曾經講過既說話
正如：「老師鬧你喇」
另1個懂事既孩子就會糾正
：「老師唔鬧人架。老師係教你」
老師真係要做個好榜樣
教正確既事說正面的話
否則孩子回家便亂說話了
到時又入老師數架喇
Search